النجم الاسطورة

النجم الاسطورة

نور صاحبتي عزمتني على فيلم عمر وسلمى للوهلة الأولى حسيت إن تامر نسي يلبس التيشيرت أو تناسى ولما تكرر المشهد قولت يا حرام يمكن عنده عجز في التيشرتات والله لو جمهوره عرف كان قام معاه بأحلى واجب بدل التلوث البصري اللي سببهولنا وكل ما يتكرر المنظر اقول لصحبتي ايدك على عينك تقولي وانت كمان .

بعد الفيلم طلعنا نتغدا في مطعم . نور صحبتي تقريبا حكتلي الفيلم تاني من كتر أعجابها بيه قولتلها أرحميني ومتنسيش إني شوفته معاكي.
نور : هو أنا مقولتلكيش إني انضميت لتامر لافرز (lovers ) قولتلها (لافرز ولا ناورز ) تعرفي أنا أكثر مشهد عجبني في الفيلم مشهد الفرح
نور: بس يا سلام والباقي؟؟
(و الباقي بأه تمورة بيقولنا خلو عنكو خالص الجيل ده عليا هكحرتهولكوا بدل العيال الخام ديه )
يعني إيه ؟؟
اقولك يعني ايه يعني اول (مسيدج ) من فيلم تامر انه يقضي على الشكل المحترم للعلاقة بين الولد والبنت يعني ما تستغربيش لما زميلك في الجامعة بدل ما يقولك صباح الخير ويطلب يتعرف عليكي يقولك (هو ده ويزغزغك ) ولما تناوليه بالقلم مفيش مشكله ولما يحصل أي شد بسيط بينك وبينه يتف عليكي ويقولك يحرق اهلك وغيره من الكلام البيئة

نورة : نورتي المحكمة يا ستي .
إزعلي براحتك أنتي واللي زيك بتحبوه حب أعمى بدون ادنى تفكير بتاخدوا على قفاكوا وتقولوا كمان ده آخر أغنية سمعتها له بتقول ( والله ما هرجع تاني لو وقفتي على ايديكي / لازم اربيكي / عملتك واحده وبقى ليكي لازمة )
Roman">والبنات الهبل بيغنوها عادي جدا ومين هيربي تموره على الكلام ده.
نور : هو تامر قتلك قتيل؟
بالعكس انا مش ضده وليه أغاني كثير بحبها وفي نفس اليوم لما رجعت البيت إعادة حفل تامر في الحديقة الصينية وجمهور الحفلة من مختلف الاعمار والطبقات معظمهم نفسه يسمع اغانيه والباقي داخل مخصوص يسمع جملته الشهيرة ( أيوة يا منطقة )
أول أغنيتين تقريبا عدوا بسلام وفجأة بنت حضنت تامر بضمة أشبه بضمة القبر وبنات ودموع ومناديل وبحبك يا تامر وفيهم واحدة صعبت عليا حسيت إن آخر أمنية ليها قبل ما تموت إنها تحضن تامر ماتعرفش إنها هتتشوي بيه في جهنم واللي يشد تامر من ايده والللي يشده من البنطلون وكل شوية المسرح يطبق وتلاقي البودي جاردات وكل واحد منهم يسد عين السمس بيحاولوا يبعدوا الناس وشباب ورجالة ببدل كله بيجري أقول القيامة قامت أتاريهم نفسهم يسلموا على تامر برضه يا خسارة الرجالة والبدل .

وتامر ربنا ما يقطع له عاده متعود يخلي جمهوره ينور الموبايلات في الأغاني الرومانسية والشحن عليه طبعا وليه؟ بدل التكلفه كل واحد يجيب معاه شمعه وواحد بس يطلب المطافي للظروف .
وتامر دعالهم ربنا يكرمهم كلهم ( دعوه مقبوله طبعا ) وقبل ما يمشي أهدالهم كاب عزيز عليه البنات قطعوا بعض عليه .

لو واحده فيهم بتفكر كانت زرعت الكاب في أرض خصبة ولما يطلع محصول الكابات توزعه ...... المهم إن آخر إعلان غريب على النت في سابقة علميه لا مثيل لها في مجال استنساخ البشر سيتم استنساخ مليون تامر حسني ( العدد قابل للزيادة ) يمكننا التحكم في عوامل الطول / والقصر /والسن / والمهنة / والديانه / والإسم
وفي كل الأحوال صوته حلو حامل جينات الرومانسية وجين المفاجآت
بادرو بالحجز نوصلك لحد البيت

كل ما تطلب أكتر فرصتك في الحصول على تامر هتكون أكبر والسعر مفاجأة 1000 جنيه
ويوصلك مع تامر قميص بدون زراير هدية وحظاظة وسلسلة
رقم التليفون 0000000
ملاين البنات في مصر والوطن العربي حجزوا المنتج
وربنا اللي يعلم كل واحده فيهم جايبه الفلوس أزاي (وكلهم بيقولوا عاوزين تامر بشنطة هدومه)
الشركة قامت بدراسة جدوى أخيرة قبل تصنيع المنتج ونشرت نتائج الدراسة على النت
· تقرر إنتاج 75% من تامر حسني مدرسين

و 25% مهن أخرى .
· بهذه النسبة ستحقق أرباح مضاعفة ونثري المجتمع عن طريق المنتج ( تامر حسني مدرس ) الذي له مفعول السحر في توصيل المعلومة وترغيب الطالب في المدرسة والقضاء على الدروس الخصوصية .وغدا القرار الأخير .
· البنات منتظرين القرار الأخير على أحر من الجمر وزهدوا الأكل والشرب والنوم وكلهم داخلين على النت وبسرعة ظهرت النتيجة ..........

· الشركة لغت إنتاج الطلبية لأن فيه أحتمال بسيط إن الطلبة من كتر حبهم لتامر حسني ( مدرس )
· هيوصلوا لحد ثالثة ثانوي ويسقطوا علشان مايبعدوش عنه والشركة هتستخدم التقنيات الحديثة للحصول على تامر حسني ( دكتور جامعة ) في المحاولة القادمة .
· أنتوا صدقتوه ولا إيه؟؟؟؟؟

كوكي

كوكي

من فضلكوا يا ولاد حد ينزل القطة الشارع تشم هوا
قطط الشارع : جريوا عليها علشان تلعب معاهم
كوكي قالتلهم هتلعبوا إيه ؟؟ عندنا مطاردة فران جامدة جدا
كوكي : انتوا قدام قوي ! لسة بتطاردوهم ده أنا الجروب بتاعتي فيها 3 قطط وفارين.
سألوها وإيه الوضع بالنسبة للتعبان ؟؟
التعبان ده حبيبي
تعالي كلي معانا يا كوكي .
لأ أنا ليّا أكل سبيشيال لو كلت من الزبالة ممكن أموت فيها .أنا هطلع دلوقتي. بكره هروح أتصور للباسبور لأني هسافر الكويت - تعاقد – يلا باي اشوفكوا بعد بكره ( نيو نيو )
كوكي : أنا طلعت وأخدت شاور بالشامبو وسشورت شعري علشان الصورة وشربت اللبن ونمت
كوكي : أنا نزلتلكم زي ما إتفقنا بالظبط ( كلام قطط )
قطط الشارع : أزيك يا كوكو احنا شوفناكي وانتي راكبه العربيه كنتي رايحة فين ؟؟
كنت رايحة الجيم بالعافية ( انتي تخنتي أوي لازم تخسي علشان صحتك ) كلام كل يوم بسمعه مع إني حلوة كده وباين عليّا العز بتاع بره وكمان هي دي طلبات العرسان .
قطط الشارع : هو ده اللي مزعلِك يا كوكو ؟؟
لأ أنا أتنقرت عين النهاردة من البت الشغالة ومن الصبح وأنا بتّاوب ، ربنا يستر بصالي في الأكل والشرب واللعب وحب الناس ليّا وسمعتها بتقول للمدام : ( إيه الأملة دي ؟ كل ده للقطة طب بس وافقي وخديني بدلها وخديني بدلها وأنا مش هخليكي تحطي إيدك في حاجة ومش هكلفك ربع تكاليفها ولا أكلها هاكل اللي يتبقى منكوا ) .
قطط الشارع : إشربي علشان تنسي يا كوكي .
لأ أحنا طالعين المصيف الأسبوع الجاي وأنا فعلا كنت محتاجة التغيير ده جدا هقضي النهار كله نايمه في التكييف في الشقة لوحدي وبالليل أتفسح وأنطلق برضه لوحدي .

خرجت بالليل لعبت ....... جريت لمكان بعيد ؛ إني أعرف أرجع الشقة !!! نسيت الطريق ومش عارفة أتلم على أعصابي وبدأت أعيط أرجع إزاي؟؟؟ أدور على الشقة ؛ على المدام وولادها مفيش .
قولت لنفسي يابت يا كوكي إنتي إنتهيتي ومباقلكيش إلا الشارع وزبالته .
ده أنا رفضت قطط هاي أوي كانوا هيدفعوا مهري بالدولار وكانت صوري هتنزل على أغلفة المجلات وكنت ممكن أورث في الشقة ، ولما أكبر كان ممكن المدام تشتريلي عربيه ، وكنت ناويه أتفق مع سعد الصغير على أغنية جامدة لفرحي إشمعنى الحمار؟؟.
المدام بلغت كل الأقسام ووزعوا صور كوكي على كل الشوارع والعربيات وبتقول ياترى يا كوكي إنتي ضربتي ورقه عرفي ولا هربتي مع واحد ولو إتجوزتي على سنة الله ورسوله ياترى هتقضي (الهني مون فين؟؟؟ )

شعبولا

شعبولا


صرح شعبولا مؤخرا في أحد البرامج التليفزيونية عن رغبته في عمل مزاد علني على مقتنياته الشخصية ووضع أسعار مبدئية لذلك . وبعدها إقترح عليه مدير أعماله الإعلان في إحدى الصحف الرسمية مبدئياً عن فكرة المزاد لمعرفة مدى جدواها ، وبالفعل صدرت الجريدة تتضمن صفحة كاملة عن مقتنيات شعبان كالآتي :
· جواكت بدل بأنتريهاتها .

· أحذية شعبولا . نتحدى لو في لون في الدنيا مش موجود فيها مش هتحتاج اكثر جزمة واحدة في العمر كله .
· سلاسل وخواتم شعبولا.
· أول مكواة رجل استخدمها شعبولا.

· ساعات بتوقيت شعبولا.
· بنطلون ستايل شعبولا,يدفّي الصدر بحزام عرضه ربع متر.
· عربية 128.الوسطاء يمتنعون .
· أخيرا لبانة ندغها شعبان 3مرات بحالة جيدة .
لاقت الفكرة إعجاب كثيرين من مختلف دول العالم ولضمان نجاح المزاد مضى مدير أعمال شعبان عقد إحتكار مع الترزي مدى الحياة منعاً لإنتشار المنتجات أو محاولة تقليدها ولتصبح ماركة شعبولا ماركة مسجلة لتحقيق شعار المزاد التميز والإنفراد .

وقبل ما يحدد شعبان ميعاد المزاد علم أن "بيرتني سبيرز" بعد حلاقتها لشعرها على الزيرو اتعرض عليها في خصلات شعرها مليون دولار .
الغريبه تلاقي ناس لو اتعرضت كلها على بعضها للبيع في سوق الكانتو ماتسويش 3تعريفه أما برتني محظوظة وده شعرها بس أمال لو عرضت كليتها اعتقد المكاسب هتكون اضعاف ذلك أما شعبولا الفكرة زقزقت في دماغه فقرر تاجيل موعد المزاد وحلق شعره على الزيرو وعرض (خواتم شعره) بسعر مغري مليون جنيه بس . وعمل دعايه جامده جدا للمزاد ، ويوم المزاد اهتمام إعلامي كبير ، ناس من كل دول العالم ، إقبال غير عادي على المقتنيات وخاصة جواكت بدل شعبولا وخواتم شعره لدرجة إن ثري عربي إتفق مع شعبان على نص مليون جنيه لشراء شعره اللي هيطلع المره الجايه .

ياسلام بأه لو فيه عشرة زي شعبولا يبيعوا خصلات شعرهم كل ما يطول أكيد كل مشاكل مصر وشببها وأزماتها الإقتصادية .
وأثناء المزاد وقبل القناة الفضائية المصرية ما تستضيف شعبان حصريا قدمه المذيع وقال أوليات شعبان :
New Roman">أول من غنى أنا بكره إسرئيل وأول من غنى عن إنفلونزا الطيور وصاحب براءة إختراع في (إييييييييييييييييييه إييييييييييييييييييييييييه ) والتي تعتبر ضمن حقوق الملكيه الفكريه لشعبان .
المذيع : هل كان هدفك من المزاد هدف مادي ؟؟؟
شعبان : نعم ؟!! عيدلي السؤال تاني أو أستعين بصديق .
المذيع : أقصد بعد كل اللي وصلتله من نجاح ليك وللمزاد ناوي تعمل إيه بفلوس المزاد ؟؟
شعبان : أنا ناوي أتبرع بجزء للملاجئ والمستشفيات والباقي هبني بيه مدرسة للموهوبين في اللون بتاع شعبان .
الشارع المصري كله مابين مؤيد ومعارض مالوش سيره غير شعبان فالمذيع خرج للشارع ليتعرف على أراء الناس .
المذيع قابل سائق وسأله عن رأيه في اللي عمله شعبان .
السائق : أنا وكل زمايلي بنعتبره ( كدوه لينا) وأنا حلقت زيه على الزيرو وتحس يا بيه إنه بيعبر عن (نفض) الشارع المصري .

المذيع : في نهاية اللقاء لا يمكننا إنكار الدور الفعال الذي يقوم به الفنان الإنسان شعبان عبد الرحيم.