شوف بقى حلوان لما تبقى محافظه
المنوفيه: لولولولوي, الف الف مبروك يالولو ياحبيبتى اومممه اومممه,إيه ده.. انتى بتهرجي لسه مالبستيش لحد دلوقتى.. ده 26 محافظه على وصول ووزرا ومندوب عن الريس.
حلوان: أنا والله ماعارفه اقبل ولا ارفض أنا من ساعة الخبر ده وانا في مشاكل مايعلم بيها إلا ربنا .. وأنا كنت في غنى عن ده كله.
المنوفيه: قال ارفض قال .. هو انتى كنتى تحلمى باللي انتى فيه .. يلا شهلي شويه المعازيم على وصول.
حلوان : حتى انتى كمان بتقوليلي كنتى تحلمى .. ليه هو انا بيئه أوي كده.؟؟؟
المنوفيه: لا ياحبيتى انا باهزر معاكي .. إيه اللي مورم عينيكي كده انتى بتعيطي ولا إيه ؟
بسرعه إغسلي وشك وحطي ثلج على عينيكي وبعدين فين الكوافير؟
حلوان: كوافير!! ضحكتينى .. والنبي انتى رايقه .. انا في إيه ولا في إيه.
المنوفيه:مانا قايلالك اتفقي مع علاء التونسي, على العموم مش مشكله أنا هلفلك الطرحه اسبانش واعملك ميك اب خفيف. بس إيه المود الزفت اللي انتى فيه ده؟ احكي وانا باعمل الميك اب وانا سامعاكي.
اهلي ياستى من ساعة ماسمعوا إنى بقيت محافظه وهم قالين قيمتى .. اللي يقوللي والنبي مانتى خايله ولو عملولك إيه .. واللي يقوللي لما انتى واصله كده وليكي دلال على حسنى ماحليتيلناش مشكلة الشوارع المكسره اللي ماتليقشي بيكي كحلوان والمجاري اللي طافحه والزباله اللي مزوقين بيها الشوارع ولا طوابير العيش ولا الشباب العاطل .
إتنازلتى عن إيه عشان توصلي آه يا..........., عينك على المنصب والشهره والسلطه , بس يكون في علمك إنك مادورتيش غير على مصلحتك واللي انتى فيه ده إحنا ماستفدناش منه أي حاجه , ولا تكونيش فاكرانا هنطير من الفرحه بمطار حلوان !! وياترى ماعندكيش فكره هيطيروا فيه طيارات ورق ولا شراعي ؟!
واستاد حلوان اللي هتتلعب فيه ماتشات النهائي بين حلوان البلد وعزبة الوالده .
يكونشي مبارك كان عايز يصالح سوزان بهديه وهو عارف عشقها لعزبة الوالده قاللك اعمل حلوان محافظه عشان تليق بعزبة الوالده.
المنوفيه: معلش ماتزعليش أي حاجه بتبقى صعبه وغريبه في الاول وهم بعد كده هيتعودوا ويقبلوا الوضع, ويلا نطلع بسرعه بقى عشان المعازيم اكيد وصلوا من زمان .
حلوان :إوعي تسيبينى النهارده أنا الجو ده جديد عليّا وماعرفش حد .
المنوفيه:اوك ياقمر بس فكي التكشيره دي.
حلوان: أنا والله ماعارفه اقبل ولا ارفض أنا من ساعة الخبر ده وانا في مشاكل مايعلم بيها إلا ربنا .. وأنا كنت في غنى عن ده كله.
المنوفيه: قال ارفض قال .. هو انتى كنتى تحلمى باللي انتى فيه .. يلا شهلي شويه المعازيم على وصول.
حلوان : حتى انتى كمان بتقوليلي كنتى تحلمى .. ليه هو انا بيئه أوي كده.؟؟؟
المنوفيه: لا ياحبيتى انا باهزر معاكي .. إيه اللي مورم عينيكي كده انتى بتعيطي ولا إيه ؟
بسرعه إغسلي وشك وحطي ثلج على عينيكي وبعدين فين الكوافير؟
حلوان: كوافير!! ضحكتينى .. والنبي انتى رايقه .. انا في إيه ولا في إيه.
المنوفيه:مانا قايلالك اتفقي مع علاء التونسي, على العموم مش مشكله أنا هلفلك الطرحه اسبانش واعملك ميك اب خفيف. بس إيه المود الزفت اللي انتى فيه ده؟ احكي وانا باعمل الميك اب وانا سامعاكي.
اهلي ياستى من ساعة ماسمعوا إنى بقيت محافظه وهم قالين قيمتى .. اللي يقوللي والنبي مانتى خايله ولو عملولك إيه .. واللي يقوللي لما انتى واصله كده وليكي دلال على حسنى ماحليتيلناش مشكلة الشوارع المكسره اللي ماتليقشي بيكي كحلوان والمجاري اللي طافحه والزباله اللي مزوقين بيها الشوارع ولا طوابير العيش ولا الشباب العاطل .
إتنازلتى عن إيه عشان توصلي آه يا..........., عينك على المنصب والشهره والسلطه , بس يكون في علمك إنك مادورتيش غير على مصلحتك واللي انتى فيه ده إحنا ماستفدناش منه أي حاجه , ولا تكونيش فاكرانا هنطير من الفرحه بمطار حلوان !! وياترى ماعندكيش فكره هيطيروا فيه طيارات ورق ولا شراعي ؟!
واستاد حلوان اللي هتتلعب فيه ماتشات النهائي بين حلوان البلد وعزبة الوالده .
يكونشي مبارك كان عايز يصالح سوزان بهديه وهو عارف عشقها لعزبة الوالده قاللك اعمل حلوان محافظه عشان تليق بعزبة الوالده.
المنوفيه: معلش ماتزعليش أي حاجه بتبقى صعبه وغريبه في الاول وهم بعد كده هيتعودوا ويقبلوا الوضع, ويلا نطلع بسرعه بقى عشان المعازيم اكيد وصلوا من زمان .
حلوان :إوعي تسيبينى النهارده أنا الجو ده جديد عليّا وماعرفش حد .
المنوفيه:اوك ياقمر بس فكي التكشيره دي.
المنوفيه :اعرفك يالولو محافظة المنصوره ودي اسكندريه واللي هناك دي شايفاها اسوان .
المنوفيه:أنا عايزاكي تتعرفي عليهم كلهم وتتكلمى معاهم وتاخدي عليهم عشان ماياخدوش عنك فكره وحشه ويقولوا عليكي "اجرسيف"
حلوان: هحاول.
حلوان: الو يعنى انتوا اللي يريحكوا وانا هاعمله إن الصف تبقى تبعى ولا تبع الفيوم ؟
اهل الصف: لا طبعا تبعك هي اخرتها كمان هنكاكي ويطلعلنا عرف ده احنا مانمناش من الصدمه .
حلوان:أنا لسه كنت باتكلم مع الفيوم في الموضوع ده واللي فهمته إنها مش ماسكه فيكوا بس دي أوامر عليا وحلها في إيد سيادة الريس , أنا هاكلمه وانتواإشتكوا وربنا يسهل .
المنوفيه: كوووووووول ده رغي في الموبايل , بتكلمي مين ياهانم ؟
كل المعازيم بيغمزوا لبعض وبيقولوا ياترى مين اللي عليه العين ؟
حلوان: بلا نيله ده بتوع الصف إلا ويبقوا تبعى ووعود وخدمات واوفرزبإنهم هيعوضونى عن أهلى.
استنى كده تليفون تانى اكيد هم ثوانى هارد.
حلوان : الو
؟؟؟؟؟: الووووووو الست المحافظه ؟ أنا عايزه افطمك على حاجه , بتوع الصف مش عايزين ينضمولك عشان جمال خاطر عينيكي الوارمين المعمصين.ده زي ماتقولي كده بعد ماكانوا تبع الجيزه .. الجيزه هه سامعانى كويس شوفي بقى إنتى فين والجيزه فيييييييين فرق السما من العمى , لسعوا ياعينى من الصدمه فأثرت على ادمغتهم , وعشان تتأكدي إن العاقلين مايرضوش ولا تخطري على بالهم عندك المعادي بتقول بالصوت الحيّانى لأوالف لأ كهربونى عذبونى بميه مغليه قطعولي ظوافري لكن حلوان لأ لأ لأ لأ .
posted by sara @ 6:49 AM
0 Comments
